ქუთაისში რუსი ჟურნალისტის, ელვირა გორიუხინას წიგნის “მასწავლებლის მოგზაურობა კავკასიაში” პრეზენტაცია გაიმართა.
“ნოვაია გაზეტას” კორესპონდენტმა, როგორც მასწავლებელმა კოდორის ხეობაში, სოხუმში, ცხინვალსა და პანკისის ხეობაში იმოგზაურა.
წიგნში დეტალურად არის აღწერილი რუსი ჟურნალისტის განცდები და შეფასებები საქართველოში არსებულ კონფლიქტებთან დაკავშირებით.
წიგნი ქართულად არასამთავრობო ორგანიზაცია “ფონდ-სოხუმის” ქალთა კლუბმა თარგმნა.
აღსანიშნავია, რომ პრეზენტაციები დაგეგმილია თბილისში, ფოთსა და ბათუმში.