სასაზღვრო პოლიციის ცნობით, 6 თებერვალს ბათუმის რეგიონალურ სამმართველოში შევიდა ინფორმაცია, რომ ბათუმის პორტის მე–7 ნავმისადგომზე მდგარ მშრალტვირთმზიდ „EUROTRADER”-ის ეკიპაჟის ერთ–ერთი წევრი ცდილობდა ზღვაში გადახტომას. აღნიშნული ცნობის საფუძველზე პორტში საპატრულო კატარღა P-011 გავიდა, ეკიპაჟმა გადაარჩინა უკრაინის მოქალაქე, არტემ მალოკოვი, რომელსაც ფსიქიკური აშლილობა აღენიშნებოდა. მალოკოვი ბათუმის საპატრულო პოლიციის სამსახურს გადასცეს.