- ტექსტი
"ბერტონე პანდიონი" - კონცეპტი "ალფა რომეოსთვის"
იტალიურმა სადიზაინერო ატელიე "ბერტონემ" თავისი ახალი კონცეპტუალური კუპეს ფოტოები გაავრცელა.
24 საათი 24.02.10
იტალიურმა სადიზაინერო ატელიე "ბერტონემ" თავისი ახალი კონცეპტუალური კუპეს ფოტოები გაავრცელა.
ეს ავტომობილი "ალფა რომეოს" შეკვეთითაა დამზადებული და მას სახელად "პანდიონი" შეარქვეს. გავრცელებული ინფორმაციით, ამ ავტომობილის გარეგნობაში "ალფა რომეოს" სედან 159-ის ორკარიანი ვერსიის მომავალი სახე ჩანს.
იტალიურ საიტ "უნიკა-სტრადას" მიერ გავრცელებული ინფორმაციით, "პანდიონის" სიგრძე 4.82 მეტრია. ის მილანელთა სპორტულ მოდელ "ალფა 8C კომპეტიციონეს" პლატფორმაზეა შექმნილი და აღჭურვილია მისივე 4.7-ლიტრიანი V8 ძრავით, რომელიც 450 ცხენის ძალას იძლევა.
"პანდიონში" ჩასაჯდომი ფორმულაა 2+2, რაც იმას ნიშნავს, რომ უკანა სავარძლები ზრდასრულებისთვის მეტად მოუხერხებელი უნდა იყოს. ავტომობილი ზუსტად 1000 კილოგრამს იწონის. ჯერჯერობით სულ ეს ინფორმაციაა, რაც "ბერტონემ" ამ კონცეპტუალური მოდელის მსოფლიო პრემიერამდე გაიმეტა. პრემიერა კი მარტის დასაწყისში, ჟენევის საავტომობილო შოუზე გაიმართება.
სხვათა შორის, იმავე 159-ის თემაზე, "ალფა რომეოს" დავალებით, კონცეპტუალური მოდელები კიდევ ორმა იტალიურმა ატელიემ - "იტალდიზაინ ჯუჯარომ" და "პინინფარინამ" მოამზადა და ისინიც თავიანთ ნამუშევრებს ჟენევაში გვაჩვენებენ. ოღონდ, "ჯუჯაროს" ავტომობილს სედანის ძარა ექნება, "პინინფარინასას" კი - როდსტერისა. თანაც, ეს უკანასკნელიც "ალფა 8C კომპეტიციონეს" პლატფორმაზეა დამზადებული.
რაც შეეხება "ალფა რომეო 159-ის" შემცვლელს, გავრცელებული ინფორმაციით, ის "კრაისლერის" რომელიმე მოდელის პლატფორმაზე დამზადდება და ევროპულ ბაზარზე წელსვე გამოჩნდება.
Facebook
Twitter
Digg
Myspace
Bookmark on Delicious
- გაზეთ"24 საათის"
- ელექტრონული არქივი
- ავტორები
- მობილურის ვერსია
- RSS არხები
- სიახლეების გამოწერა
- რეკლამის განთავსება
- www.24saati.ge
- გაზეთი "24 საათი" კონტაქტი