- ტექსტი
"სუზუკი" ჟენევაში "კიზაშის" ევროპულ ვერსიას გამოფენს
ჟენევის ავტო შოუზე, რომელიც მარტის პირველ რიცხვებში დაიწყება, იაპონური კომპანია "სუზუკი" თავისი ახალი სედანის, "კიზაშის" ევროპულ ვერსიას გამოფენს.
24 საათი 03.02.10
ჟენევის ავტო შოუზე, რომელიც მარტის პირველ რიცხვებში დაიწყება, იაპონური კომპანია "სუზუკი" თავისი ახალი სედანის, "კიზაშის" ევროპულ ვერსიას გამოფენს.
ინგლისურ ჟურნალ "ავტოქარის" ცნობით, სედანი, რომელიც უკვე იყიდება ამერიკულ ბაზარზე, ჟენევის შოუს დასრულებისთანავე გამოჩნდება კომპანიის შვეიცარიულ სადილერო პუნქტებში, დროთა განმავლობაში კი მისი გაყიდვა სხვა ევროპულ ქვეყნებშიც დაიწყება.
"კიზაშის" ევროპული ვარიანტი ბენზინზე მომუშავე ოთხცილინდრიანი ძრავით აღიჭურვება, რომლის მუშა მოცულობაც 2.4 ლიტრია. ძრავს 6-საფეხურიანი მექანიკური კოლოფი, ან უსაფეხურო ვარიატორი უწყვილდება. პირველი ვერსიით, ძრავის სიმძლავრე 185 ცხენის ძალას აღწევს, მეორე ვერსიით კი - 178 ცხენის ძალას.
მოგვიანებით, იაპონური კომპანია ევროპელ მყიდველს 3.2-ლიტრიანი ძრავით და ჰიბრიდული დანადგარით აღჭურვილ "კიზაშისაც" შესთავაზებს. ოღონდ, ჯერ დაზუსტებული არაა, თუ კონკრეტულად როდის მოხდება ეს.
"სუზუკი" მყიდველს სრულამძრავიანი ტრანსმისიით აღჭურვილ "კიზაშისაც" შესთავაზებს. ეს სისტემა უნივერსალურია. კერძოდ, ჩვეულებრივ, ის წინაამძრავიან რეჟიმში იმუშავებს, სპეციალურ ღილაკზე დაჭერის შემდეგ კი ტრანსმისია მაბრუნ მომენტს ოთხივე ბორბალს გაუნაწილებს. ამასთან, საგზაო პირობების შესაბამისად, უკანა ბორბლებს საერთო მომენტის 50 პროცენტამდე გადაეცემა.
ევროპაში "სუზუკი კიზაში" კონკურენციას გაუწევს "ფორდ მონდეოს", "სიტროენ C5-ს", "ტოიოტა ავენსისს", "ფოლკსვაგენ პასატს" და "ოპელ ინსინიას". ახალი სედანის ევროპული ვერსიის ფასი მოგვიანებით გამოცხადდება.
Facebook
Twitter
Digg
Myspace
Bookmark on Delicious
- გაზეთ"24 საათის"
- ელექტრონული არქივი
- ავტორები
- მობილურის ვერსია
- RSS არხები
- სიახლეების გამოწერა
- რეკლამის განთავსება
- www.24saati.ge
- გაზეთი "24 საათი" კონტაქტი