ნიგერიას შვედი გაწვრთნის

ნიგერიის ეროვნულ ნაკრებს 2010 წლის მსოფლიო ჩემპიონატზე შვედი ლარს ლაგერბეკი უხელმძღვანელებს.

24 საათი 01.03.10

მან ნიგერიის ფეხბურთის ფედერაციასთან 5-თვიანი წინასწარი კონტრაქტი გააფორმა. მის გარდა, “სუპერარწვების” მთავარი მწვრთნელობის კანდიდატებად განიხილებოდნენ შვედი სვენ-გორან ერიქსონი, ინგლისელი გლენ ჰოდლი, სერბი რადომირ ჯუკოვიჩი და ფრანგი ბრუნო მეტსიუ. ხუთივე მათგანი ნიგერიის დედაქალაქ აბუჯაში იყო ჩასული. მათი პრეზენტაციის შემდეგ ფედერაციის აღმასკომმა 8-საათიანი სხდომა ჩაატარა. საბოლოოდ არჩევანი შეჩერდა ლაგერბეკზე, რომელიც შვედეთის ნაკრებს 9 წელი ხელმძღვანელობდა და მხოლოდ მას შემდეგ დატოვა გუნდი, რაც ის სამხრეთ აფრიკის მუნდიალზე ვერ მოხვდა.

სტატიის მისამართი: http://24saati.ge/index.php/category/sport/2010-03-01/4019.html