სიახლე სამუსიკო განათლებაში

დღეს, 14 საათზე, კულტურის, ძეგლთა დაცვისა და სპორტის სამინისტროში ჩატარდება ღონისძიება, რომელზეც განხილული იქნება სამუსიკო განათლებაში კულტურის სამინისტროს მიერ რეფორმის დაწყება.

24 საათი 29.06.10

რეფორმა შემდეგ პუნქტებს ითვალისწინებს:

- თერთმეტწლიანი სამუსიკო სკოლების დაარსება თელავსა და რუსთავში

- გორის უმაღლესი სამუსიკო პროფესიული კოლეჯის გახსნა

- კონსერვატორიის მიერ თერთმეტწლიანი სამუსიკო სემინარიის დაარსება და სამუსიკო სასწავლო პროგრამებისა და სტანდარტების გეგმების დამტკიცება, რომლითაც საქართველოში არსებული თერთმეტწლიანი სამუსიკო სკოლები იხელმძღვანელებენ.

ყოველივე ეს მისცემს კულტურის სამინისტროს კოორდინაციისა და ერთიანი სტანდარტების განხორციელების საშუალებას ქვეყნის მასშტაბით სამუსიკო განათლების სფეროში, რაც ხელი უნდა შეუწყოს ტრადიციების შენარჩუნებასა და განვითარებას.

ღონისძიებას დაესწრება კონსერვატორიის რექტორი - მანანა დოიჯაშვილი, რექტორის მოადგილე - მანანა ანდრიაძე და თერთმეტწლიანი სამუსიკო სკოლების პროგრამებსა და სტანდარტებზე მომუშავე ჯგუფი.

ასევე ღონისძიებას დაესწრებიან თელავის, ქუთაისის, ბათუმის, თბილისის N2 ცენტრალური სამუსიკო სასწავლებლისა და კონსერვატორიასთან არსებული სამუსიკო სემინარიის დირექტორები და პედაგოგები.

სტატიის მისამართი: http://24saati.ge/index.php/category/society/education/2010-06-29/8142.html