“ნიუსვიკი” - უგულავა ამბობს, რომ, თუ რუსეთი საქართველოდან ჯარებს გაიყვანს, საქართველო ნატოში შესვლაზე უარს იტყვის

თუ რუსეთი აფხაზეთიდან და სამხრეთ ოსეთიდან თავის ჯარებს გაიყვანს, სანაცვლოდ საქართველო ნატოში შესვლაზე უარს იტყვის", - “ინტერპრესნიუსის” ცნობით, ამის შესახებ თბილისის მერმა გიგი უგულავამ რუსულ გაზეთ “ნიუსვიკისათვის" მიცემულ ინტერვიუში განაცხადა.

24 საათი 16.01.10

ამავდროულად, უგულავა დარწმუნებულია, რომ “ამ ნაბიჯს რუსეთი არ გადადგამს".

“ის ურთიერთობები, რომელიც ამჟამად რუსეთსა და საქართველოს შორის არსებობს, არ არის ის ფორმატი, რომლის დროსაც შესაძლებელია ფუნდამენტურ საკითხებზე საუბარი. პუტინსა და სააკაშვილს შორის პერსონალური უსიყვარულობა მეორე პლანზე უნდა გადავიდეს. საუბრის დაწყების დრო დადგა, მაგრამ ის რუსეთმა უნდა დაიწყოს," - აღნიშნა თბილისის მოქმედმა მერმა, რომელიც ამავდროულად 2010 წლის მაისისთვის დაგეგმილ ადგილობრივ არჩევნებზე დედაქალაქის მერობის სახელისუფლებო კანდიდატია.

სტატიის მისამართი: http://24saati.ge/index.php/category/news/politics/2010-01-16/2768.html