• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

შეხვედრის ადგილი უცვლელია

პრეზიდენტის და არასამთავრობოების კონსულტაციები დღეს გაიმართება

24 საათი 11.01.10

პრეზიდენტის და არასამთავრობოების კონსულტაციები დღეს გაიმართება

როგორც “24 საათს” ახალგაზრდა იურისტთა ასოციაციის თავმჯდომარემ თამარ ხიდაშელმა განუცხადა, გუშინდელი შეხვედრის ჩაშლის მიზეზი გახდა პრეზიდენტის თვითმფრინავის დაგვიანება; პრეზიდენტი მიუნხენიდან მოფრინავდა.

კანონის თანახმად, პრეზიდენტს არასამთავრობო ორგანიზაციებთან კონსულტაციების შედეგად შერჩეული ცესკო-ს თავმჯდომარეობის სამი კანდიდატი ცენტრალური საარჩევნო კომისიისთვის უნდა წარედგინა არა უგვიანეს 8 იანვრისა. ქვეყნის პირველ პირსა და მესამე სექტორს შორის შეხვედრა ორი დღის დაგვიანებით იყო დანიშნული და გუშინ, 10 იანვარს, საღამოს 20.00 საათისთვის უნდა გამართულიყო.

მიუხედავად იმისა, რომ ცესკო-ს თავმჯდომარეობის კანდიდატები გუშინ ბათუმში იმყოფებოდნენ და იქიდან სატელევიზიო ეთერში კომენტარებს აკეთებდნენ, “ბათუმი შეარატონში” დაგეგმილი შეხვედრა არ გამართულა.

ცესკო-ს თავმჯდომარის პოსტზე სამი სავარაუდო კანდიდატის ვინაობაა ცნობილი. არასამთავრობო ორგანიზაციამ “სამართლიანმა არჩევნებმა” ცესკო-ს თავმჯდომარეობის პოსტზე ეკა სირაძე-დელონეს კანდიდატურა წამოაყენა. არასამთავრობოების გარკვეული ნაწილი კი იურისტ კახა სოფრომაძეს უჭერს მხარს. გუშინ გვიან ღამით გაირკვა, რომ თავმჯდომარის პოსტზე განაცხადის გაკეთების სურვილი გამოთქვა ცესკო-ს თავმჯდომარის მოვალეობის შემსრულებელმა ლევან თარხნიშვილმა.

პრეზიდენტ სააკაშვილსა და არასამთავრობოების შეხვედრის ადგილი უცვლელი რჩება. მათ კონსულტაციები დღეს 12.00 სთ-ზე უნდა გამართონ.

ცენტრალურმა საარჩევნო კომისიამ პრეზიდენტის და არასამთავრობოების მიერ შერჩეული სამი კანდიდატიდან ერთ-ერთი უნდა დაამტკიცოს. ცესკო-ს თავმჯდომარის არჩევის შესახებ გადაწყვეტილება ფარული კენჭისყრით ცესკო-ს იმ წევრებმა უნდა მიიღონ, რომლებიც ოპოზიციური პარტიების მიერ არიან დანიშნულები. თავმჯდომარის დამტკიცებას ხმათა უმრავლესობა სჭირდება - არანაკლებ 4 ხმისა.

"საარჩევნო კოდექსის" თანახმად, ცესკო-ს სხდომა მოწვეული უნდა იყოს არაუგვიანეს 11 იანვრისა.

ცნობისათვის - ცესკო-ში ოპოზიციური პარტიების მიერ სულ ექვსი წევრია დანიშნული: ზურაბ მარაქველიძე - “ რესპუბლიკური პარტიიდან ”, გიორგი ჯავახიშვილი - "მრეწველებიდან", ნინო გოგუაძე - "კონსერვატორებიდან", გიორგი მთვარელიძე - "ლეიბორისტული პარტიიდან", გოჩა ჯოჯუა - "ქრისტიან-დემოკრატებიდან" და ვალერი ჭელიძე - პარტიიდან "ჩვენ თვითონ".

იმ შემთხვევაში, თუკი ცესკო ამ სამი კანდიდატიდან თავმჯდომარეს ვერ შეარჩევს, მაშინ ცესკო-ს თავმჯდომარეს იმავე კანდიდეტებიდან საქართველოს პარლამენტი, პრეზიდენტის წარდგინებით, 7 დღის ვადაში ირჩევს.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times