პრეზიდენტი რუსთავს ეწვია

საქართველოს პრეზიდენტმა მიხეილ სააკაშვილმა გუშინ რუსთავში ქართულ-იტალიურ ტყავის გადამამუშავებელ საწარმო "ფილიმასკა" მოინახულა.

24 საათი 09.09.10

"ინტერპრესნიუსის" ცნობით, პრეზიდენტი საწარმოში მუშაობის პროცესს გაეცნო და როგორც ქარხნის ხელმძღვანელობას, ასევე მუშებსაც გაესაუბრა. სააკაშვილის განცხადებით, ქართულ-იტალიურ საწარმოში საკმაოდ მაღალი ხელფასებია, რომლითაც თავისუფლად შეიძლება ოჯახის შენახვა.

რუსთავში ქართულ-იტალიური საწარმო ყოფილი ქიმიური ქარხნის ტერიტორიაზე რამდენიმე თვის წინ ამოქმედდა. საწარმოს პარტნიორი იტალიური კომპანია "თიმეკოა". როგორც "ფილიმასკას" დამფუძნებელმა და ქარხნის ხელმძღვანელმა ვახტანგ ნიკოლეიშვილმა პრეზიდენტთან საუბარში აღნიშნა, ნედლეულს მთლიანად საქართველოში ყიდულობენ, პროდუქციის 80 პროცენტი კი იტალიაში გააქვთ. სამომავლოდ წარმოების გაზრდა და დამატებით 170 მუშახელის დასაქმება აქვთ განზრახული.

სტატიის მისამართი: http://24saati.ge/index.php/category/news/2010-09-09/9323.html