- ტექსტი
ლარის კურსი დოლართან მიმართებაში დაეცა
საქართველოს ეროვნული ბანკის 91-დღიან სადეპოზიტო სერტიფიკატების აუქციონზე 8 500 000 ლარის ნომინალური ღირებულების ფასიანი ქაღალდები გაიყიდა, რომელიც ოთხმა კომერციულმა ბანკმა შეიძინა.
24 საათი 03.09.10
საქართველოს ეროვნული ბანკის 91-დღიან სადეპოზიტო სერტიფიკატების აუქციონზე 8 500 000 ლარის ნომინალური ღირებულების ფასიანი ქაღალდები გაიყიდა, რომელიც ოთხმა კომერციულმა ბანკმა შეიძინა.
აუქციონზე მინიმალური საპროცენტო განაკვეთი - 9.25 პროცენტით, მაქსიმალური - 9.50 პროცენტით, ხოლო საშუალო შეწონილი 9.38 პროცენტით განისაზღვრა.
რაც შეეხება საქართველოს ეროვნული ბანკის 7-დღიან რეფინანსირების სესხების აუქციონს, იქ 190 000 000 ლარის ნომინალური ღირებულების სესხი გაიცა. სესხის განაცხადი ოთხ კომერციულ ბანკს დაუკმაყოფილდა. აუქციონზე მინიმალური საპროცენტო განაკვეთი - 6.50 პროცენტით, მაქსიმალური - 6.71 პროცენტით, ხოლო საშუალო შეწონილი 6.52 პროცენტით განისაზღვრა.
საქართველოს ეროვნული ბანკის მონაცემებით, ლარის კურსი აშშ დოლართან მიმართებაში 1.8404 ლარის ნიშნულზე დაეცა. ბანკის ინფორმაციით, შესაბამისად, დღეიდან ძალაში შევა ოფიციალური გაცვლითი კურსი - 1 აშშ დოლარი 1.8404 ლარი. გუშინდელი კურსით 1 აშშ დოლარი 1.8394 ლარი ღირდა.
2.3596 ლარის ნიშნულზე დაეცა ლარი ევროსთან მიმართებაშიც. გუშინდელი ოფიციალური კურსით 1 ევროს ყიდვა 2.3539 ლარად იყო შესაძლებელი.
ლარის გაუფასურებამ ბოლო 4-წლიან მაქსიმუმს რამდენიმე თვის წინ მიაღწია. ლარი დოლართან მიმართებაში 1.8 ნიშნულზე ბოლოს 2006 წლის გაზაფხულზე იყო.
Facebook
Twitter
Digg
Myspace
Bookmark on Delicious
- გაზეთ"24 საათის"
- ელექტრონული არქივი
- ავტორები
- მობილურის ვერსია
- RSS არხები
- სიახლეების გამოწერა
- რეკლამის განთავსება
- www.24saati.ge
- გაზეთი "24 საათი" კონტაქტი