ვლადიმირ ჩიჟოვი: "საბჭოთა კავშირი ისევ არსებობს და ის აფხაზეთსა და ცხინვალს დაეხმარება"

ეუთო-ში რუსეთის სპეციალური წარმომადგენლის ვლადიმირ ჩიჟოვის განცხადებით, საბჭოთა კავშირი ისევ არსებობს.

24 საათი 06.03.10

"საბჭოთა კავშირი ისევ არსებობს და ის აფხაზეთსა და ე.წ. სამხრეთ ოსეთს ძლიერ სახელმწიფოდ ჩამოყალიბებაში დაეხმარება", - განაცხადა ვლადიმირ ჩიჟოვმა. მისი განცხადებით, არ არსებობს ცეცხლის შეწყვეტის შესახებ მედვედევ-სარკოზის 12 აგვისტოს შეთანხმება.

"ჯი-ეიჩ-ენ"-ის ცნობით, ამ განცხადებას გამოხმაურება უკვე მოჰყვა ოფიციალურ თბილისში. "რუსი დიპლომატის ეს განცხადება არ გაგვკვირვებია. ის პოლიტიკა, რომელსაც აწარმოებს რუსეთი ბოლო წლებში, ზუსტად ისეთივეა, როგორსაც საბჭოთა კავშირი აწარმოებდა", - განაცხადა ამ საკითხზე კომენტირებისას საგარეო საქმეთა სამინისტროს საერთაშორისო ორგანიზაციებთან ურთიერთობის დეპარტამენტის უფროსმა სერგი კაპანაძემ.

სტატიის მისამართი: http://24saati.ge/index.php/category/news/2010-03-06/4156.html