ირაკლი ალასანია მოსკოვთან ოპოზიციის ურთიერთობის წინააღმდეგია

“ალიანსი საქართველოსთვის” ლიდერი ირაკლი ალასანია დეზინფორმაციას უწოდებს გავრცელებულ ინფორმაციას იმის შესახებ, თითქოს ის რუსეთში დაპატიჟეს.

24 საათი 06.03.10

როგორც ალასანიამ გუშინ 1990 წლის მოწვევის უზენაესი საბჭოს წევრებთან შეხვედრის დაწყებამდე ჟურნალისტებს განუცხადა, მას მოსკოვიდან არავითარი მიწვევა არ მიუღია. “ჩემი პოზიცია არაერთხელ დამიფიქსირებია და ახლაც გავიმეორებ, რომ ოპოზიცია რუსეთის ხელისუფლების წარმომადგენლებს არ უნდა ელაპარაკებოდეს, რადგან ამ დიალოგს ორმხრივ ურთიერთობაში არავითარი ცვლილების შეტანა არ შეუძლია. კონკრეტული შედეგის მისაღწევად ხელისუფლებების წარმომადგენლები უნდა საუბრობდნენ”, - განაცხადა ალასანიამ. მისივე თქმით, ნინო ბურჯანაძის მოსკოვში ვიზიტი პარლამენტის ყოფილი თავმჯდომარის გადაწყვეტილებაა.

სტატიის მისამართი: http://24saati.ge/index.php/category/news/2010-03-06/4154.html