რუსეთი ეუთოს სემინარზე სეპარატისტების მიწვევას აპირებს

რუსული მხარე ეუთო-ს სემინარზე ჟენევის დისკუსიებში მონაწილე აფხაზური და ე.წ. სამხრეთ ოსური დელეგაციის წევრების დაპატიჟებას აპირებს.

24 საათი 05.02.10

"ჯი-ეიჩ-ენ"-ის ცნობით, განცხადება ამის შესახებ ევროპაში უსაფრთხოებისა და თანამშრომლობის ორგანიზაციაში რუსეთის წარმომადგენელმა ანვარ აზიმოვმა ეუთოს მუდმივმოქმედი საბჭოს სხდომაზე გააკეთა.

მისი თქმით, რუსული მხარე მიიჩნევს, რომ აფხაზეთისა და ე. წ. სამხრეთ ოსეთის წარმომადგენლების მონაწილეობა კონფერენციაში სასარგებლო იქნება იმიტომ, რომ მათ შეეძლებათ მოგვითხრონ თავიანთი მოსაზრება 2008 წლის აგვისტოს მოვლენებზე.

ანვარ აზიმოვი კონფერენციაზე ჰაიდი ტალიავინის მიპატიჟებასაც აპირებს, "რათა მისი ხელმძღვანელობით შექმნილი კომისიის მიერ შარშან მომზადებული დასკვნის განხილვა შედგეს".

სემინარი, სახელწოდებით : "კონფლიქტების აღკვეთა და დარეგულირება: წარმატებული სტრატეგია და პრაქტიკა" - თემატური სესიის "კორფუსის პროცესის" ფარგლებში 23 თებერვალს ჩატარდება.

სტატიის მისამართი: http://24saati.ge/index.php/category/news/2010-02-05/3305.html