ყველაზე უსარგებლო მწერალი

დენ ბრაუნი ადამიანებისთვის ყველაზე "უსარგებლო" მწერალი აღმოჩნდა.

24 საათი 09.09.10

დენ ბრაუნი ადამიანებისთვის ყველაზე "უსარგებლო" მწერალი აღმოჩნდა.

ასეთი დასკვნა საქველმოქმედო კორპორაცია Oxfam-მა გამოიტანა, ინფორმაცია კი The Daily Telegrafh-მა გაავრცელა. როგორც გაირკვა, მკითხველებმა წიგნის მაღაზია Oxfam-ისთვის საჩუქრად სხვა მწერლებთან შედარებით ყველაზე მეტად სწორედ დენ ბრაუნის რომანები გაიმეტეს. ამასთან, Oxfam-ის წარმომადგენლები აღნიშნავენ, რომ მყიდველებიც ამ ავტორით იშვიათად ინტერესდებოდნენ. მათი ვერსიის თანახმად, დენ ბრაუნი ყველაზე გაყიდვადი ავტორების ათეულში ბოლო ადგილასაა.

ყველაზე წარმატებული წიგნების რეიტინგს დეტექტივების ავტორი იენ რენკინი მეთაურობს. ბრაუნს ასევე გაუსწრეს ჯოან როულინგმა, სტიგ ლარსონმა, სტეფანი მაიერმა, ჯონ გრიშემ, პატრიცია კორნუელმა, ჯეიმს პატერსონმა, ტერი პრატჩეტმა და კეიტ ატკინსონმა.

Oxfam-ი ნახმარი წიგნების უმსხვილესი ევროპული ბაზრობაა და დიდ ბრიტანეთში წიგნების გაყიდვების ქსელში მესამეა: ის ყოველთვიურად 1,6 მილიონი ფუნტის წიგნს ყიდის, თანხა კი ქველმოქმედებაში მიდის.

სტატიის მისამართი: http://24saati.ge/index.php/category/culture/2010-09-09/9329.html