- ტექსტი
IFC და "საქართველოს ბანკი" ბელორუსში დაფინანსების ხელმისაწვდომობის გაზრდას უწყობენ ხელს
საერთაშორისო საფინანსო კორპორაცია (IFC), რომელიც მსოფლიო ბანკის ჯგუფის წევრია, მხარს უჭერს "საქართველოს ბანკს" ახალ ბაზრებზე საქმიანობის გაფართოებაში, რითაც ბელორუსში მცირე და საშუალო ბიზნესისთვის დაფინანსებაზე ხელმისაწვდომობას ზრდის.
24 საათი 09.07.10
საერთაშორისო საფინანსო კორპორაცია (IFC), რომელიც მსოფლიო ბანკის ჯგუფის წევრია, მხარს უჭერს "საქართველოს ბანკს" ახალ ბაზრებზე საქმიანობის გაფართოებაში, რითაც ბელორუსში მცირე და საშუალო ბიზნესისთვის დაფინანსებაზე ხელმისაწვდომობას ზრდის.
"საქართველოს ბანკი" აქციების 99,96%-ს ფლობს "ბელორუსკი ნაროდნი ბანკში" საშუალო ზომის ბელორუსულ ბანკში, რომლის ერთ-ერთ ძირითად მიმართულებას მცირე და საშუალო ბიზნესის დაფინანსება წარმოადგენს. IFC "ბნბ"-ს აქციების 19,9%-ს შეისყიდის და ასევე, ამავე ბანკისთვის 5 მილიონი აშშ დოლარის ოდენობის სესხს გასცემს. ამგვარად, IFC “საქართველოს ბანკთან" ბელორუსის პერსპექტიულ ბაზარზე გაფართოების პროცესში თანამშრომლობს.
"საერთაშორისო საფინანსო ორგანიზაციის მიზანს უცხოური ინვესტიციების წახალისება წარმოადგენს. ამით რეგიონში ეკონომიკური კავშირების განმტკიცებას და ადგილობრივი ბაზრებისა და კომპანიების განვითარებას ვუწყობთ ხელს, მოუთმენლად ველით პროექტის წარმატებას, რომელიც სარგებელს მოუტანს ორივე ქვეყნის, ბელორუსისა და საქართველოს, საბანკო სექტორებს," - აცხადებს IFC-ის წარმომადგენელი კავკასიაში თომას ლუბეკი."
"მოხარული ვარ, რომ IFC-სთან ერთად განვახორციელეთ "ბნბ"-სთვის ეს მნიშვნელოვანი ტრანზაქციები. IFC-ის მონაწილეობა აქციონერისა და დამფინანსებლის სახით, უდავოდ გაზრდის "ბნბ"-ს კონკურენტუნარიანობას და ბანკის გავნითარებისთვის ღირებულ მხარდაჭერას უზრუნველყოფს," - აღნიშნა "საქართველოს ბანკის" გენერალურმა დირექტორმა ირაკლი გილაურმა.
Facebook
Twitter
Digg
Myspace
Bookmark on Delicious
- გაზეთ"24 საათის"
- ელექტრონული არქივი
- ავტორები
- მობილურის ვერსია
- RSS არხები
- სიახლეების გამოწერა
- რეკლამის განთავსება
- www.24saati.ge
- გაზეთი "24 საათი" კონტაქტი