საქართველოს ესპანელ ბიზნესმენთა დელეგაცია ეწვევა

8-11 თებერვალს საქართველოში ესპანელი ბიზნესმენების საქმიანი ვიზიტი იგეგმება.

24 საათი 08.02.10

ისინი ქართველ ბიზნესმენებს შეხვდებიან და ქვეყანაში არსებულ საინვესტიციო გარემოს გაეცნობიან. ესპანელი ბიზნესმენები ძირითადად ენერგეტიკის, ტრანსპორტის, გარემოს დაცვისა და ინფრასტრუქტურის სფეროებში განსახორციელებელი პროექტებით ინტერესდებიან.

როგორც ეკონომიკური განვითარების მინისტრმა ზურაბ პოლოლიკაშვილმა ესპანეთის სამეფოს დეპუტატთა კონგრესის წევრებთან და ბიზნესმენ კარლოს კაბასთან შეხვედრისას განაცხადა, ესპანეთი ევროკავშირის თავმჯდომარე ქვეყანა გახდა და საქართველომ ეს პერიოდი ესპანეთთან და ევროკავშირთან აქტიური ურთიერთობებისათვის უნდა გამოიყენოს. აღნიშნულ შეხვედრაზე საქართველოსადმი ესპანეთის კარგ დამოკიდებულებაზე ყურადღება თავად ესპანეთის დელეგაციის წევრებმაც გაამახვილეს და განაცხადეს, რომ ესპანეთს საქართველოსთან საკმაოდ კარგი ურთიერთობა და სამომავლოდაც მნიშვნელოვანი გეგმები აქვს.

მედიანიუსი

სტატიის მისამართი: http://24saati.ge/index.php/category/business/2010-02-08/3339.html